ഹര്‍ത്താല്‍
--------------------
പോരുകഴിഞ്ഞു ചത്തുവീണ കോഴിക്ക്
അനുശോചനം അറിയിക്കാന്‍
കുറുക്കന്റെ വക ഹര്‍ത്താല്‍


മൊബൈല്‍ഫോണ്‍
-----------------------------
പലരുടെയും ചുംബനങ്ങള്‍
ഏറ്റു വൃത്തികേടായ മുഖം
ശുദ്ധിയാക്കാന്‍കഴിയാതെ
വിലപിക്കുന്നു 

പെട്രോള്‍
--------------
ഊണിനു വിലകൂടിയപ്പോള്‍ ബൈക്കിനെ
പട്ടിണിക്കിട്ടു പഴയ സൈക്കിളിനു
പച്ചവെള്ളം നല്‍കി  നിരത്തിലിറക്കി


ദൈവം
----------
 വഴിയരികില്‍
ഹസ്ത രേഖ നോക്കി ദൈവം
ഞാന്‍ തന്നെയെന്ന്
ഉറപ്പിക്കുന്നു