Pages

Thursday, 21 June 2012

അനന്ത കോടി വര്‍ഷങ്ങള്‍മുന്‍പ്
ആകാശ മേഘങ്ങള്‍ക്കുള്ളില്‍
വാതിലടച്ചിരുന്ന ഒരു മഴ മേഘം
ഇന്ന് പുറത്തുവന്നത്

ഭൂമിയുടെ പച്ചപ്പിനൊപ്പം
പടര്‍ന്നു പന്തലിച്ച
ഒരു പ്രണയത്തിന്‍റെ
അവസാന സംഗമത്തിനു
സാക്ഷിയാകാന്‍ ...

ഇനി വിരഹമില്ല
കാവ്യങ്ങളില്‍
നഷ്ട പ്രണയത്തിന് വരികളുടെ
വിരസതയില്ല

ഭൂതകാലങ്ങളിലെപ്പഴോ
അടക്കാന്‍ വിധിക്കപ്പെട്ട
ഹൃദയത്തിന്‍ കവാടം
ഇന്നു തുറക്കപ്പെട്ടു

പെയ്യാന്‍ കൊതിച്ചിരുന്ന
ആ മഴ മേഘം പ്രപഞ്ചത്തിന്‍
ഉല്‍പ്പത്തിമുതല്‍ ഉദിച്ചുയരാന്‍
സൂര്യന്‍ ഇല്ലാത്ത കാലം വരയുള്ള
മഴകളായി  ഇരു ഹൃദയങ്ങളില്‍
പെയ്തിറങ്ങി .

ഒരു  പ്രണയത്തിന്‍
സ്വപ്നം പുലരുന്നത് കണ്ടു
താരകങ്ങള്‍ ഉറങ്ങി

ഉറങ്ങാതെ  ഇരു ഹൃദയങ്ങളും






No comments:

Post a Comment