Pages

Sunday, 10 June 2012

ഇന്നും നിലാവുണ്ട്

പകല്‍ വിടപറയുമ്പോള്‍
ഉടുത്തൊരുങ്ങി നിലാവിനെ
കാത്തിരുന്ന ഭൂമിക്കൊപ്പം
ഞാനുമുണ്ട് ...

അന്ന് മേഘ വാതില്‍ തുറന്നു
പുറത്തുവന്നപ്പോള്‍
നിന്നെപ്പോലെ സുന്ദരിയെന്ന്
ഞാന്‍ പറഞ്ഞത് നിലാവ്
കേട്ടിരുന്നതുകൊണ്ടാകാം
ഇന്നും എന്നെ കാത്തുനില്‍ക്കുന്നത്

നിലാവും ഞാനും
ഇന്ന് കഥകള്‍ പറയുന്നു
ഒരിക്കല്‍ ഞങ്ങളെ പ്രണയിച്ച
ഹൃദയങ്ങളുടെ കഥകള്‍ ..

മാനത്ത് വിതറിക്കിടക്കും
താരകങ്ങള്‍ പ്രണയത്തിന്‍
കഥകള്‍  പറയുമ്പോള്‍
നിലാവ് എന്നെ പ്പോലെ കാത്തിരുന്നു
ആമ്പലിന്റെ പരിഭവം മാറുന്നതും നോക്കി ..

നിലാവ് വാതിലടച്ച
നിശയിലാണ് നീ അടര്‍ന്നു പോയത് ..

ഒരിക്കല്‍ നിന്റെ മിഴികളില്‍
ഞാന്‍ ഒളിച്ചിരുന്നു
നിന്റെ ചുണ്ടുകളില്‍
ഞാന്‍ അര്‍പ്പിച്ച ചുംബനങ്ങള്‍
ഒരു ശേഷിപ്പായി ഇന്നും അധരങ്ങളില്‍
അറിയാത്ത അടയാളമായി നിനക്കു കാണാം

ജലാശയത്തില്‍ ഒളിച്ച ആമ്പല്‍
ഒരിക്കല്‍ പൊന്തിവരും നിലാവിന്‍റെ
മാറില്‍ തലചായിച്ചുറങ്ങാന്‍ ....

അന്നും  ഞാന്‍ എകാനാകും ..

No comments:

Post a Comment