Pages

Saturday 7 April 2012

ഒരന്വേഷണം..

എവിടെയാണ് ഹൃദയം ...?

അമ്മയോട് ആദ്യം ചോദിച്ചു
സ്നേഹമാണ് ഹൃദയമെന്നു
മാതാവിന്‍ മറുപടി..

കറുക വയല്‍ പൊതിഞ്ഞ
കുഴിമാടത്തില്‍ അണയാതെ നില്കും
തീ നാളത്തിന്
ഹൃദയമുണ്ടായത് കൊണ്ടാകാം
അച്ഛന്‍ വെളിച്ചം കണ്ടുറങ്ങുന്നത്...

അക്ഷരം ചൊല്ലിതന്ന
ഗുരുവിനോട് ചോദിച്ചു
ഹൃദയം എവിടെയാണ് ?

ഈശ്വരനാണ് ഹൃദയമെന്നു
ഗുരുവിന്‍ മറുപടി ..

ഇരുളിന്‍ കയത്തില്‍
മുക്കിക്കളഞ്ഞ നീ
ഹൃദയമില്ലത്തവനെന്നു
അമ്മ ഈശ്വരനോട് പറഞ്ഞതെന്തിന്?






















No comments:

Post a Comment