ഗ്രാമം
---------
വായനശാലയുടെ സമീപം
രക്തസാക്ഷിക്കൊരു സ്മാരകം

ഹാഫ്സാരി ചുറ്റി വരും
പെണ്ണിന്‍ ഓര്‍മ്മയില്‍
അമ്പലത്തറയില് ഒരു ആല്‍മരം

മഴയും വെയിലുമേറ്റു
മൌമനമായി കിടന്നു
അമ്പലക്കുളം

വിദേശ പണം ബലാത്സംഗം
ചെയ്ത പാടങ്ങള്‍ ചെങ്കലുകളില്‍
കൊലചെയ്യപ്പെട്ടു

നിരകള്‍ അടഞ്ഞുകിടന്ന
പഴയ കടയില്‍ ഒരു തപാല്‍ പെട്ടി
മരണക്കുറിപ്പെഴുതി

ഗ്രാമ ഭംഗി കാണാന്‍ വന്ന
കര്‍ക്കിടക മഴ തിരിഞ്ഞു നടന്നു

മകര മഞ്ഞു തരും മൂടലിന്‍
ഭംഗി മരിച്ച ചിത്രങ്ങളായി

ചില ഓര്‍മ്മകളുമായി
ഗ്രാമം പടിയിറങ്ങി