Pages

Sunday 12 August 2012

മരണത്തിന്‍ ഗന്ധം
ഒറ്റമുറിയുടെ ചുവരുകള്‍ക്കുള്ളില്‍
നിറഞ്ഞു നിന്നത്
ഇന്നലെ വഴിയരികില്‍
വീണുകിടന്ന വൃദ്ധന്‍
അവസാന ശ്വാസത്തിന് വേണ്ടി
മിഴികള്‍ മുകളിലേക്ക് ചലിപ്പിക്കുന്ന
കാഴ്ചക്ക് ശേഷമാണ്

മരണത്തിന്‍ നിഗൂഡതയിലേക്ക് ‍
കയറിപ്പോയ വൃദ്ധന്‍
ഈ ഒറ്റമുറിയില്‍ ഇരുട്ടില്‍
പതുങ്ങി നില്‍ക്കുന്നു

മരണത്തിന്‍ ഗന്ധം
അറിഞ്ഞതുകൊണ്ടാകാം
മുറ്റത്തെ മുല്ലപ്പൂവ്
താഴെ മരിച്ചു കിടന്നത്

മരണം വിളിച്ചു കൊണ്ടുപോയവര്‍
മരണത്തിന്‍ രഹസ്യം പറയാന്‍
കഴിയാതെ നിസഹായരായി
നില്‍ക്കുന്നു

മരണത്തിനു വെളിച്ചമില്ല
മരണം ഇരുളാണ്
വെളിച്ചം കടന്നു ചെല്ലാത്ത
ഏതോ അറയില്‍ ഒളിഞ്ഞിരിപ്പുണ്ട്

1 comment:

  1. Jeevikkan marannavarkku
    Maranam oru vedanayalla
    Maranathe orkkunnavarkkum

    ReplyDelete