Pages

Tuesday 4 September 2012

പകല്‍

പകല്‍
------------
പകലൊന്നു മായട്ടെ
പെഴച്ചു പെറ്റ പട്ടിണി
വയറിനോട് പെറ്റമ്മ മൊഴിഞ്ഞു

പെഴച്ചു പെറ്റവള്‍ക്ക്
പകലിനോട് വെറുപ്പാണ്
പേടിയുമാണ്

പകലിലെ ചിരികളാണ്‌
ചതിയുടെ ഇരുളിന്‍ മറവില്‍
പെഴച്ചവളെന്ന പേരു നല്‍കിയത്

പകല്‍ മായുമ്പോള്‍
പട്ടിണിമാറ്റാന്‍
ദൈവ ചിത്രത്തില്‍ തിരി കത്തിച്ചു
പുറത്തിറങ്ങും
വഴിവക്കിലെ കാണിക്ക വഞ്ചിയില്‍
നാണയമിട്ടു ഒന്നുകൂടി പ്രാര്‍ഥിക്കും

പുലരും മുന്‍പ്
തിരിച്ചുവരും
പലചരക്ക് കടയിലെ
കുടിശിക തീര്‍ക്കും
ദൈവത്തിനു തിരിയും വാങ്ങും



 

No comments:

Post a Comment