Pages

Tuesday 11 September 2012

ഭംഗി
--------
നിറങ്ങള്‍ക്ക് ഭംഗിയുണ്ട്
തെളിഞ്ഞ ആകാശത്തിനു
നീല നിറം വരുമ്പോള്‍
താഴെ പറക്കുന്ന മേഘങ്ങള്‍
ഒന്നുകൂടി വെളുത്തു സുന്ദരിയാകുന്നു

കുങ്കുമം കലര്‍ന്ന സന്ധ്യക്കും
നിലാവ് പെയ്യുന്ന രാത്രികള്‍ക്കും
ഭംഗിയുണ്ട്

കറുപ്പിനു ഭംഗിയുണ്ടെന്ന്
ആരോ കളവു പറഞ്ഞതാണ്

ആകാശം കറുത്ത്
കരയുമ്പോള്‍
നരച്ച  കറുത്ത കുട
നിവര്‍ത്തി പുലഭ്യം പറഞ്ഞു
അച്ഛന്‍ പുറത്തേക്കു പോകും

കരിവാളിച്ച ഒരു മുഖം
അകത്തിരുന്നു കരയും ..
-------------------------------------

No comments:

Post a Comment