പ്രശസ്തന്‍..

പ്രശസ്തന്‍
------------------
എനിക്കു പ്രശസ്തനാകണം ..!!

 ഈശ്വരവാദത്തെ എതിര്‍ക്കാം .
പിന്നെ മതങ്ങളെ
വേണ്ടാ എന്‍റെ മതത്തെ എതിര്‍ക്കാം

മറ്റുമതകാര്‍ എനിക്കു
ഓശാന പാടണം

ചാനലുകളില്‍ ചര്‍ച്ചക്ക് പോകണം

താടി വടിക്കരുത്
മീശയും

ഉരുള ചോറിനു മീശയുടെ
ചുംബനമേറ്റ് ഇക്കിളിയായി

എന്‍റെ  ദൈവത്തിനു
സവര്‍ണ്ണരോട് ഇഷ്ടമെന്നു വാദിക്കണം

പുരോഹിതര്‍ വാണിഭക്കാരെന്ന്
വഴിനീളെ പ്രസംഗിക്കണം

ഒടുവില്‍ പ്രശംസാപത്രവും
ഫലകവും വാങ്ങണം

ചില്ലിട്ടലമാരയില്‍ വെച്ചു
'പൂജിക്കണം '

പ്രശസ്തനായതിന്റെ നിര്‍വൃതിയില്‍
ഫലകങ്ങളെ നോക്കി 'ദൈവമേ' എന്നു
ദീര്‍ഘ നിശ്വാസം വിട്ടു ചാകണം