അഭയം



രണ്ടു മുറി ജീവിതം തേടി 
അമ്മയെ അഭയ കേന്ദ്രത്തിലാക്കി 
അവന്‍ അഭയം തേടി...

ശീതികരിച്ച മുറിക്കുള്ളില്‍
ഇന്നവന്റെ അഭയം
നാളെ മറ്റൊരു അഭയ
കേന്ദ്രത്തില്‍ അഭയം

ഓര്‍മകള്‍ക്ക് പുതു
ഭാവന നല്‍കാന്‍ പറഞ്ഞത്
രണ്ടു മുറി ജീവിതങ്ങളിലെ
കൂട്ടുകാര്‍

ഇന്നവന്‍ മറന്നത്
ഗര്‍ഭ പാത്രത്തിന്റെ
വിങ്ങലുകള്‍ ...

മറന്നു അവന്‍ അമ്മയെന്ന
ത്യാഗത്തെ...
ശാപവാക്കുകളെ
പിന്‍വലിക്കുന്ന
അമ്മയെന്ന ദൈവത്തെ ...

ഇന്നീ അഭയ കേന്ദ്രത്തില്‍
വെള്ള പുതച്ചു കിടക്കുന്നു
ആ അമ്മ ...
അഭിമാനം അമ്മയെ
കാണാന്‍ അവനെ തടഞ്ഞു ..

വെള്ള മുടിയില്‍ നിന്നും
കറുത്ത പേന്‍
മറ്റൊരു അഭയം തേടി
യാത്രയാകുന്നു ...

ആരും കാണാതെ പോകുന്ന
ഒരു സത്യം കാണിച്ചു
തന്നിട്ട് ......