Pages

Sunday 21 April 2013

 പണ്ട്
*******
ഇന്ന്...
നിലവിട്ടൊരു കാറ്റാണ്
ഉണങ്ങിയ പകലില്‍
എവിടെനിന്നോ ഒരു
മഴയെ തള്ളിയിട്ടത്

പ്രതീക്ഷിക്കതെയുള്ള -
വീഴ്ച്ചയില്‍ മഴ മണ്ണില്‍
നിലതെറ്റിവീണു ..

പണ്ടിവിടൊരു-
പുഴയുണ്ടായിരുന്നു
പാടവും
അന്ന് കാറ്റും മഴയും
കഥപറഞ്ഞു പുഴയെ
പ്രണയിച്ചു .

പാടത്തെ തത്തയും
മൈനയും പിന്നെ
കൊറ്റിയും കൊയ്ത്തുപാട്ട്-
കേട്ടുറങ്ങി..

മൂടല്‍മഞ്ഞേറ്റ
കരിയിലകള്‍
കത്തിയമരും നേരം
ഉറക്കമുണര്‍ന്ന്
വട്ടംക്കൂടിയിരുന്നു ഗ്രാമം ..

വേനല്ക്കാറ്റ്‌ മഴവരു-
മെന്ന് പറഞ്ഞ് ജനലില്‍-
തട്ടിപോകും

പാടത്തിനപ്പുറം
ലോകം അവസാനിച്ചെന്ന്
ഉണ്ണി മുത്തശ്ശിയോട് പറഞ്ഞിരുന്നു

'പണ്ട് പണ്ട്' എന്ന് അമ്മ-
കഥപറയാന്‍ തുടങ്ങും നേരം
നിലാവോടിയെത്തും.

പണ്ടൊരു പുഴയൊണ്ടായിരുന്നു
പണ്ടൊരു പാടമുണ്ടായിരുന്നു
പുഴയെന്ത് പാടമെന്ത് എന്നൊരു
മറു ചോദ്യം മുയര്‍ന്നാല്‍
പറയാനൊരു പുഴയുടെ
ചിത്രമെടുക്കണം
അങ്ങിനെ പലതിന്‍റെയും

No comments:

Post a Comment