മോഹങ്ങള്‍  മരുഭൂമിയിലെ
മണല്‍ക്കാറ്റില്‍ ധൂമമായി
ഉയര്‍ന്നു പോകും ദിനമൊരിക്കല്‍
ഒരു സാന്ത്വനത്തിന്‍ ഗസല്‍ പോലെ
ഹൃദയത്തില്‍ തഴുകിവന്ന പ്രണയ
ഗീതമായി സഖി  നീ .

മനസ്സില്‍ പ്രണയത്തിന്‍
മഞ്ഞു തുള്ളികള്‍ ഋതുക്കാലമൊരുക്കിയ
രാവില്‍ ഉയര്‍ന്നു പോയ മോഹത്തിന്‍
ധൂമങ്ങള്‍ താഴെ വസന്തത്തിന്‍
മഴകള്‍ ചൊരിയുന്ന ഹൃദയത്തിലേക്ക്
ഇനിയൊരു മടങ്ങിപ്പോക്ക് ആഗ്രഹിക്കാതെ
തിരികെയെത്തി .

പുല്‍കി പോകുന്ന കാറ്റിനും
പ്രണയത്തിന്‍ കഥകളായിരുന്നു
പറയാനുണ്ടായിരുന്നത് .

മരുഭൂമിയില്‍  പിന്നെ കണ്ടത്
പച്ച വിരിച്ച  സ്വപ്‌നങ്ങള്‍ മാത്രം ..

ഒരു പുലരിയില്‍  മരുഭൂമിക്കൊപ്പം
മോഹങ്ങളും  ധൂമങ്ങളായി
തിരിച്ചുവരാന്‍ കഴിയാതെ
വിടപറയാതെ പോയി ..

വഴിപാട്

വഴിപാട്
--------------------

ധന നഷ്ടത്തിനു
വഴിപാട് നടത്തി
പുറത്തിറങ്ങിയപ്പോള്‍
ചെരുപ്പ് കണ്ടില്ല  

കാട്ടുതി പടര്‍ന്ന ദിനത്തിലാണ്
വൈരംമറന്നു ചെമ്പുലിയും
പേടമാനും കൂട്ടുകാരായി
അഭയം തേടി നാട്ടിലെത്തിയത്
‍
നാട്ടിലെ മൃഗങ്ങള്‍
സ്വീകരണമൊരുക്കി
ആദ്യം പള്ളിയില്‍കൊണ്ടുപോയി
തൊപ്പി ധരിപ്പിച്ചു .

നിര്‍ബന്ധ മതപരിവര്‍ത്തനം
കോടതിയില്‍ ആരോ ഹര്‍ജി
കൊടുത്തു ...

പിറ്റേദിവസത്തെ ഹര്‍ത്താലില്‍
മരിച്ചുവീണ മൃഗങ്ങള്‍ക്ക്
അനുശോചനമറിയിച്ചു
അതിഥികള്‍  കാവി ധരിച്ചു ..

പള്ളിപ്പെരുന്നാള്‍ കൂടാന്‍
മലയാറ്റൂരിലേക്ക് പോയ അതിഥികള്‍
പിന്നെ ധ്യാന കേന്ദ്രത്തില്‍ക്കൂടി ..

മഴ  ഒരു ബന്ധമായത്
അക്ഷരങ്ങളെ പ്രണയിച്ചപ്പോഴായിരുന്നു

ഇടവഴികടന്നു ചെരുപാടത്തെത്തിയപ്പോള്‍
അകലെ ആകാശത്തിനു താഴെ
മുഖം കറുപ്പിച്ചുനില്‍ക്കും മേഘങ്ങള്‍
പരിഭവം ചൊരിയാന്‍ നില്‍ക്കുന്നത്
ഒരു വിസ്മയത്തോടെ നോക്കിനിന്ന
ബാല്യം മുതല്‍ക്കെ മഴ
ഒരുബന്ധമായി എന്നില്‍ പെയ്തുകൊണ്ടിരുന്നു

പുസ്തക സഞ്ചി താഴെവെച്ചു
തുറന്നിട്ട ജാലകവാതിലില്‍ക്കൂടി
പുറത്തേക്കു നോക്കിയിരുന്നപ്പോള്‍
വീണ്ടും കേള്‍ക്കാന്‍ കൊതിക്കും ഒരു
സംഗീതംപോലെ മഴ വീണ്ടും പെയ്തുകൊണ്ടിരുന്നു


രാത്രി തൂവാനത്തുമ്പികള്‍
തൊട്ടുണര്‍ത്തിയത്
ആര്‍ദ്രമായ പ്രണയത്തിന്‍
കവിത രചിക്കാന്‍ ..

ഒരിക്കല്‍ ഒന്ന് കരയാന്‍
കൊതിച്ചപ്പോള്‍ കൂടെക്കരയാന്‍
ഓടിവന്ന മഴയാണ് ഇന്നെന്റെ
കദനങ്ങളില്‍ കൂട്ടുകൂടുന്നത് ..

ഒരു ശവപ്പെട്ടി മുന്നില്‍ വരാന്‍
കൊതിക്കുന്ന നേരത്താണ് ഞാന്‍
ഹൃദയം എവിടെയോ മറന്നു വെച്ചല്ലോ
എന്നോര്‍മ്മയിയിലിരുന്നാരോ മന്ത്രിച്ചത് ..

ക്രൂരത ഹൃദയമില്ലാതവന്റെ
കൂട്ടുകാരനെന്നു പറഞ്ഞതരാണ് ?

ഇടവഴിയില്‍ വെളിച്ചം മറച്ച
വഴിവിളക്കിന്റെ ഓരത്ത്
പൊഴിഞ്ഞു വീണ ജീവന്റെ
അവസാന തുടിപ്പ് പോകുന്നതിനു മുന്‍പ്
കൂലി എണ്ണി തിട്ടപ്പെടുത്തിയ നിമിഷത്തില്‍
ആരോ  പറയുന്നത് കേട്ടു ഹൃദയമില്ലാത്തവനെന്നു .

ക്രൂരത സഹയാത്രികനായ
വഴികളില്‍ കാണാതെപോയ
ഹൃദയത്തെ തേടിപ്പോകാന്‍
ഒരു ദിനമുണ്ടാകുമെന്നു
ചില ശാപവാക്കുകള്‍ പറഞ്ഞത്
ഹൃദയം മറന്നുപോയ മറ്റൊരുവന്റെ
ക്രൂരതക്ക് മുന്നില്‍ ചലനം
നഷ്ടപ്പെട്ട ശരീരത്തിലെ ആത്മാവ്
ഇന്ന് തിരിച്ചറിയുന്നു ...

ശവപ്പെട്ടി വരുന്നതിനു മുന്‍പ്
ഹൃദയം തിരിച്ചുകിട്ടാന്‍
ഹൃദയം മറന്നുപോയവന്റെ
വെറും വാക്കുകള്‍ ......

ഒരുമഴ കൂടി പെയ്താല്‍  ഭൂമിക്കൊപ്പം
അമ്മയും കരഞ്ഞിരുന്ന വര്‍ഷകാലത്തു
പുത്തനുടുപ്പിന്‍ മണം അകലെ മാറി നിന്നത്
കരിമ്പന്‍ തല്ലിയ ഉടുപ്പിന്റെ നനഞ്ഞ ദുര്‍ഗന്ധത്തിനു
ഒരു വര്‍‍ഗ്ഗം നല്‍കിയ പേരുകൊണ്ട്
ദാരിദ്ര്യം‍

ഇല്ലെനിക്കു ചിറകുകള്‍ സ്വപ്നങ്ങളു
പാറിപ്പറന്നു ചാരത്തു വന്നണയാന്‍ സഖി ..

ഒരു ചിറകടി ശബ്ദം അതെന്നോര്‍മയില്‍
ഒരു മധുരക്കിനാവിന്റെ ചിലങ്കകള്‍തീര്‍ത്തതു ..

ഓര്‍ക്കുന്നു നീ അന്ന് ഒരിളം തെന്നലായി
എന്നെ തഴുകി തലോടുന്ന ദിനങ്ങളോക്കെയും
ഒരു ചുടു നിശ്വാസത്തിന്‍ നേര്‍ത്ത മര്‍മ്മരങ്ങളായി..

പറയാതെ വന്ന വിരുന്നുകാരി നീ
എന്‍ ഹൃദയത്തെ ഒരു സ്വപ്ന ലോകത്തിന്‍
അധിപനാക്കി .

ഒരു പുലരി പുഞ്ചിരിച്ച നേരം നീ സ്നേഹത്തിന്‍
ഒരു വെള്ള തൂവല്‍ പൊഴിച്ച ങ്ങുദൂരെ -
കൂടുകള്‍ കൂട്ടാന്‍ ശിഖരങ്ങളില്ലാത്ത
മരങ്ങളുടെ  നാട്ടിലേക്ക് മാലാഖയായി
എന്‍ മറുപടി കേള്‍ക്കാതെ പറന്നങ്ങുപോയി ...

ഒരു ചിറകടി ശബ്ദം എന്‍ കാതില്‍
മുഴങ്ങുമ്പോള്‍  എനിക്കന്നു ചിറകുകള്‍
സ്വപ്‌നങ്ങള്‍ , പിന്നൊരു പറവയായി
നിന്‍ ചാരെ എന്നെന്നും നിന്‍ മിഴികളായി
ഞാന്‍ മാറാന്‍ കൊതിക്കുന്നു സഖി .....

പുലരട്ടെ പകലുകള്‍
എന്‍ മുന്നിലിനി ഒരു പകല്‍ മാത്രം
അന്നൊരു  ചിറകടി കേട്ടു നീ ഉണരുമ്പോള്‍
അറിയുന്നു പ്രണയത്തിന്‍ ഋതു മന്ത്രണം .............